وحيد القرن و الخرم الحضارى و الخرة

رغم انى مش بحب الكورة اوى و مش متابع جدا يعنى و غالبا مابحب اتفرج بس على ماتشات المنتخب علشان اضحك مع اخويا

و ربما ده يكون ليه علاقة بانى زملكاوى

المهم

طبعا كان لازم اتابع امبارح ماتش الاهلى فى كل حته عمال يجيب اجوان و ماتش فرشلونة

على اساس ايه بقه اننا بعون الله هنفشخ امهم و هنوريهم النجوم فى عز الليل و يانهار اسود على اللى هيحصل لفرشلونة يارجاله فى استاد الاقاهرة مقبرة الغزاة هيكون اوسخ من اللى حصل لريالة مدريد قبل كده لما قضى عليه الاهلى بهدف المدعو صاندى و من ساعتها ريالة مدريد مش عارفين يلموا نفسهم ياخراب الخراب على اللى هيحصل لميسى و رونالدينو

و طبعا فى المواقف دى محدش بقه يقولك انا اهلاوى و انا زملكاوى كلنا مصريين و هنا يتجلى مفهوم الوحدة الوطنية رغم كل المؤامرات و الدسائس الخارجية

كلنا نقف ورا الاهلى و هوه يربى فرشلونة

زى ماكلنا وقفنا ورا السيدة الفاضلة ماما سوزى و هيه تحصل على جايزة عالمية رفعت راسنا كلنا و هى جايزة عالم سمسم للتميز الدولى

ووسط جو حماسى يذكر بروح اكتوبر بدا الماتش و اقدر اقول انى حته دمعت لما شفت السيد الرئيس و هوه يحى اجماهير و شفت المخرج و هوه ينقل الكاميرا بين رونالدنيو و ابو تريكة

مصر ياجدعان مصر

المهم دقيقة اتنين تلاتة عشرة طب عشرين طب اربعين نقول الشوط الاول

الله؟؟؟

فين اللعب و فين الاهلى ؟؟؟

و ايه الملل و القرف ده و مين دول اللى بيلعبوا فى برشلونة و بعدين.... فين اللعب ؟؟

مفيش لعبة نضيفة توحد ربنا

الاهلى نازل باربع مساكين و تلاتة خط وسط مدافع ازاى ؟

مش جوزة المدرب العالمى كان بيهاجم الفرق التانية علشان بتعلب ادامه حداشر فى ال 18

و رغم كل ده يامؤمن و من غير لعب اساسا

جونين

كده على الماشى

حاجة تفاريح علشان محدش يبقى فى نفسه حاجة

نظام تعالى ياحبيى خد تعالى ياانص خد

و يشاء العليم الحكيم ان بابى يقلب قنوات الوصلة على ماتش تانى و هوه ماتش ميلان و المان

و يشاء العليم الحكيم انى اشوف ملعب ايه

و جمهور- ناس نضيفةنضيفة- ايه

و مدرجات ايه

ولعيبة ايه

و تصوير ايه

و اخراج ايه

وا ضاءة ايه

يشاء ربنا انه يخلينى اشوف ده بعد ده علشان اقارن

و اتعظ و اعرف ان الله حق و يشاء ربنا انى اشوف الجون التالت للمان

حاجة خيال ياناس

رونالدو خد الكورة و اداها لرونى اللى كان معاه مين؟؟؟

اليساندرو نيستا بس مهموش ياعم الحج

من لمسة واحدة لطشها فى الضيقة جون

حاجة و لا الخيال من زاوية و مسافة مستحيلة و معاه نيستا وواقف ديدا

ربك و الحق مقدرتش اكمل ماتش الاهلى خلاص

دى حاجة خرة

لعيبة الاهلى خرة

و الملعب خرة

و التصوير خرة

و التعليق خرة
و الحياة كلها خرة

بتوع الاهلى اللى عاملين اسود قلبوا نسوان و ووائل جمعة اتشعبط فى ايتو و رفص فيه علشان يوقعه حته معرفش و دخل الراجل حطها بريزة لوحش افريقيا ابو لبانه

طلع المدرب العالمى جوزة مهاجم و نزل كمان بخط نص مدافع

حاجة خرة

الخرم الحضارى كبير قوى مع الناس دى

الذكرى اللى بتيجى للواحد لمايشوف احتكاك لينا مع اوربا و الغرب فى كورة و لا غيره

فى ماتش مصر فرنسا و لا الاهلى و برشلونة و معرض الكتاب و لا المركز البريطانى و لا الجامعة الامريكية

حاجة خرة خرة خرة

ملحوظة معلش انا مقدرتش بس الاهلى لبس

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

على راى اخويا برضه جابلوه لعبية تقليد نظام بقه فيسى و بتاع بس لبس 4

Powered by ScribeFire.

مراد نيازوف-الله يحرقه بجاز

مراد نيازوف هوه الرئيس السابق لجمهورية تركمانستان

و هى جمهورية اسلامية تقع فى وسط اسيا مع جمهوريات

اوزبكستان طاجيكستان و كازاكستان و اخيرا قرغيزيا

و هذه الجمهوريات بالاضافة لجزء اخر تحتله الصين تمثل تركستان

وتركستان يعنى بلاد الترك

تمتد من منغوليا حتى بحر قزوين

و حته على السريع كده دولة تركيا ليست اصل الترك و انما اصل الترك من وسط اسيا و اللى موجودين فى تركيا دول شوية ناس هاجرت من وسط اسيا خاصة فى العهد السلجوقى و العثمانى



و تعنى كلمة تركمان الترك المؤمنين

مراد نيازوف ده كان مسمى نفسه تركمان باتشى يعنى باين ابو التركمان او حاجة كده زى التانى الله يحرقه بجاز برضه كمال اتاتورك اليهودى (من يهود الدونمة)

المهم ماله بقه الراجل ده؟؟؟؟

ده كان رئيس تركمانستان 21 سنة من ساعة الاستقلال عن الاتحاد السوفيتى - الله يحرقه هوه التالت-لغاية السنة اللى فاتت

الراجل ده سحب من العرب اخر حاجة كانوا يتقدوموا فيها و هى الريادة التعريصية

يعنى عارفيين القذافى اللى بيطلع فى مظاهرات ضد الحكومة و اللى عامل نظام ديموقراطى عايز امريكا و انجلترا يتعملوا منه و لا ييجى فى الراجل ده حاجة

تعالى نشوف عمل ايه

اولا سمى كل المشروعات فى البلد باسمه و اسم امه - لاحظ بر الوالدين - و كل الشوارع و الميادين لغاية لما معدش فى شى تانى يتسمى باسمه و اسم امه

قام جاى و امر ان الرجاله فى البلد يتسموا باسمه و الستات باسم امه

و لما خلص الناس خلاص سمى اسماء الايام و الشهور على اسمه و اسم امه

ثانيا الراجل ده بقه جابها من قاصرها بدل مايعمل انتخابات رئاسية و يطلع على الناس يقولهم انا معاكم لاخر نفس و اخر زفت

عمل استفساء من اياهم ان يفضل فى الحكم لغاية مايموت واهو مات و ادفن

ثالثا الراجل ده مدعى النبوة كمان و عامل كتاب على اساس انه زى القران يعنى و فى ناس صحفيين عندهم بيشيدوا بيه على اساس انه نبى محلصش من قبل و لا بعد يعنى مش بس قائد ملهم زى عندنا

رابعا و اخيرا هذا الرجل كل سنة برضه كان بيعملهم مؤتمر حزبى بس خلى بالك ليه الراجل ده متميز

كل سنة فى المؤتمر الحزنى كان يستقيل

كل سنة

يقوم كل الوزراء و النواب و الشيوخ يقوموا واحد واحد يبكوا و يطالبوه انه يرجع عن قراره علشان مفيش حد تانى يقدر يمشى البلد غيره





و ايه الفكرة طيب من الكلام ده ؟؟؟

الفكرة انه مات اتدفن فى متر فى متر و مااااااااااااااااااااااااااااات

خلصت يعنى

مفيش كبير على ربنا و مفيش كبير على الموت و مهما كان ظلمه و قبضته على الناس و جبروته و قوات امنه و مكره و احتياطاته وووووووو

مات و غار فى ستين داهية و الناس بتف عليه زى ماتفوا على ستالين

ملك الموت موجود و ربنا قادر انه يريحنا

و من قبله مات

Powered by ScribeFire.