فى ظلال الصمت 1

على الرغم انى عايز انام كالعادة و انى مش فايق قوى
لكن قررت انى اتكلم عن موضوع شايف انه مهم من وجهة نظرى
و هوه موضوع البطالة
ايه سببها فى مصر؟
من المواضح يعنى ان فيه معدل نمو مرتفع حصل السنة اللى فاتت و اللى قبلها فى مصر
و ايضا الكلام الكتيييير قوى اللى بيتقال ان فى شغل و وظائف موجودة و شاغرة كتير بس المصانع مش لاقية اللى يشتغل
و ان حجم الاستثمارات الاجنبية المباشرة مش عارف 10 مليار دولار فى السنة
و ان هناك ارتفاع فى دخول شرائح من المجتمع
و ان رغم ان الاسعار بتزيد لكن الاستهلاك الفعلى بيزيد
و ايضا بيتقال كلام كتير من الحكومة فى هذا السياق
و طبعا رد الناس واضح دى حكومة بنت متناكة
يعنى نازيلن فشر و فشر و فشر و مفيش اى شغل و لا نيلة
لو سبنا من موضوع الفشر ده لان يبدو ليا ان فى فعلا بعض الامور الكويسة اللى حصلت فى البلد الكام سنة اللى فاتوا
فين المشكلة
ليه محدش حاسس باى تحسن ليه البطالة موجودة بالطريقة دى ليه الناس بتشتكى كده
الحل فى وجهة نظرى يكمن فى نقطة بسيطة جدا
نوع الاستثمار
يعنى ايام الدراسة كان عندنا نوعين من الاستثمار
كثيف راس المال
و كثيف العمالة
الانتاج عامة بيتم بمزج العنصريين دول راس المال (مكن معدات مبانى فلوس و كده) مع العمالة فى مزيج منهم بيركز على راس المال يعنى

الاستثمار كثيف راس المال ده معناه ان مثلا لو انا هفتح مصنع جديد باستثمارت مليار جنيه هعتمد اساسا على المكن و المعدات و اصرف اغلب الفلوس انى اجيب معدات لا تحتاج عمالة جديدة لانها حديثةو جدا و غالية جدا
النوع التانى كثيف العمالة يعنى هعتمد على العمال و اشغل عدد كبير فى المصنع و هعتمد على المكن بصورة اقل او هجيب مكن اقل تقدما ارخص يشتغل عليه عمال اكتر
طيب ايه المشكلة
المشكلة ان لما كانت ناس بتحرق جاز عن مصنع اجريوم علشان قال ايه بيلوث البيئة و راس البر محمية طبيبعية
طبعا مش هفوت الفرصة من غير ماقول ياخى احا
محمية ايه مايشوفوا البحر اللى لونه اسود الأول و ريحته معفنة
المهم لفت انتباهى ان تقريبا على ماتذكر استثمارات المصنع حوالى 500 مليون دولار و عدد العاملين فيه كام؟؟؟؟
حوالى 400 او 500 نفر
يعنى استثمار كثيف راس المال جدا
يعنى اغلب ال 500 مليون هيتجاب بيهم مكن متقدم جدا لا يعتمد تقريبا على العمالة خالص
يعنى بحسبة بسيطة
لو مصر فيها مليون عاطل بس
على مليون بيدخلوا سوق العمل سنويا
يعنى بالصلاة على النبى عايزين لكل نقر مليون دولار علشان يتوظف
يعنى كل سنة 2 تريليون دولار علشان بس نشغل الناس دى
و طبعا التريليون هوه مليون مليون
يعنى واحد و قدامه 12 صفر
طبعا يبقى قابلنى لو عرفت اصلا توفر المبلغ ده فى ميت سنة
طيب و ايه كمان
مصنع المحلة
برضه ايام مالناس كانت بتحرق جاز على مصنع المحلة
فى حاجة كده اتقالت
ان عدد عمال المصنع كام؟
27 الف عامل
يعنى ايه ؟ يعنى استثمار كثيييف العمالة
طيب حد هيقول لا دول عمالة زايدة و ناس صيع و ده ممكن يكون صح
و لكن نفتكر يعنى الصين و الهند بيشغلوا الجحافل اللى عندهم ازاى؟؟؟
من المصانع ابو ميت عامل لكل نص مليار دولار و لا مصانع زى غزل المحلة
طيب ايه الحل
الاسلام هوه الحل مش كده برضه
الحل بجد بقه
المشكلة ان القطاع الخاص هوه اللى بيستثمر يعنى مقدرش اقوله شغل دول و اعمل ده وماتعملش ده
لانى مليش دعوة بيه و ابسط حاجة يقولى سلام ياصاحبى و يروح حته تانية يشتغل فيها
طيب يعنى الحكومة ترجع تخش فى مجال الانتاج و السوق و كده
مكنش ينعزر مش ينفع طبعا
هى اصلا الحكومة لاقية علشان تصرف على الموازنة الخربانة علشان تدخل فى افشاخنات الاستثمار
دول بيخصخصوا ياسيدى
ايه الحل
الحل انن نركز على انواع معينة من الانشطة
كثيفة العمالة
يعنى مثلا صناعة الغزل و النسيج
الزراعة
نشوف الهند و الصين شغالين فى ايه و مكتسحين العالم ازاى
و نعمل زيهم نجيب منهم المكن ده اللى كل مكنة منهم شغال عليها الف عامل و رغم كده انتاجهم انضف مننا و اسعارهم احسن مننا
طبعا محدش يبص للمنتج الصينى اللى فى مصر ده زبالة الصين

و محدش هيقول ان اساليب الانتاج هتبقى قديمة و مش هينفع ننافس بيها
لان الصين بالاساليب دى مطلعة مييتين الناس كلها
و انتاجها عامل زى الوباء

يعنى سيب القطاع الخاص و المستثمر الاجنبى يعمل اللى يعمله
و انت عليك و على انشطة تشغل عمال و تجيب ناتج ايضا
و كل اللى عليك انك تحط حوافز تشجع الناس تدى المجالات دى اهتمام
اعفاء ضريبى
دعم فلوس
غاز رخيص
تروح ترقصلهم
اى حاجة يعنى المهم يبقى فيه ده و ده