الامتحانات و الصفقة السوبر 2

بعد الكلام عن الزمالك لازم برده الواحد يتكلم عن حاجة تانية و هى الكورة
الكورة عامة فى مصر. انا مليش اى علاقة هنا بقه باوربا و امريكا و الكورة هناك و منزلتها و اهميتها لكن انا عايز اتكلم عن بلدى و خلاص
يعنى عايز افهم اهمية الكورة فى البلد دى بغض النظر عن اوربا بتعمل ايه لانهم مش مقياس لينا و مثل اعلى
زى كل موسم و زى كل مرة مشاكل على اللعيبة و فلان هيروح الاهلى لا هيحترف, فلان عايز يزود عقده ,فلان عايز يتساوى بعلان فى الزمالك
كل سنة نفس الموال و نفس الموضوع فى الصيف و كل سنة مشاكل و حوارات و مقالات نارية و حاجات من نوعية لجنة الكورة فى الاهلى تعلن الحرب على الزمالك و فلان يفتح النار على الجميع و غرام و انتقام و انى راحلة و الجو ده
و شوف مثلا موضوع عمرو زكى و احترافه و عصام الحضرى و حسنى و سيد معوض و اينو ووووو وصولا لرضا عبدالعال
احيانا بحس ان البهايم كتير قوى فى مصر و ان التخلف بقه وباء تلاقى واحد عمال يتكلم عن عصام الحضرى و يقولك المبادئ و الاخلاق و النادى الاهلى قلعة المثل العليا و الاحترام و مش عارف ايه و تانى كلمة هيقولك ام الحضرى على ام حسن شحاته على ام مش عارف مين
طيب منين اخلاق و مبادئ و مثل عليا و انت بتسب ام واحد و تلعن ابوه و ترمى الناس بالطوب و منين مبادئ و مثل و خلافه و انت رئيس النادى عندك اصلا حرامى ابن كلب
عايز افهم ايه سر الاهتمام غير الطبيعى و غير العادى بالكورة
كل الجرايد و الفضائيات و الاذاعات و الخبراء و المحلليين على ايه؟
احنا عندنا كورة اصلا جنازة حارة و الميت كلب
و حته لو عندنا كورة هل تستحق كل الاهتمام ده بالذمة يعنى تلاقى واحد محموق قوى ووشه محمر و يقولك الزمالك لازم يجيب صفقات سوبر و لعيبة خارقة و مش عارف ايه .عايزين مليون يورو ادوهم مليون يورو يجيبوا حسنى عبد ربه يجيبوا اجوجو
و تيجى تسال الاخ المحموق ده و هوه انت اصلا شغال يبنى؟
و لو كنت حته شغال بتكسب كام فى الشهر علشان توزع مليون يورو كده اخر حلاوة على غيرك ؟
قلت ان البهايم كتروا
بدل مالنا تسال ليه كل الفلوس دى بتروح على الكورة و هى مستواش و احنا بلد اغلب من الغلب تلاقى الناس هى اللى بتضغط على الاندية علشان يدفعوا ملايين
بقه بالذمة جمال حمزة ياخد مليون و نص فى الموسم و مانويل جوزيه ياخد حوالى نص مليون فى الشهر
ليه يعنى؟ جمال مزة خول و لو جبنا اى عيل صغير يدرب الاهلى هياخد الدورى ؟
ليه كل الفلوس دى بتتصرف على الكورة و البلد كل حاجة فيها تشتكى من نقص التمويل و مفيش مفيش مفيش
يعنى سؤال لو فلوس السنة دى بس اللى صرفها الاهلى و الزمالك على اللعيبة الكسر اتعمل بيها مصنع كبير يشغل كام الف واحد مش يبقى احسن؟
ليه التخلف وصل للدرجة دى
يعنى رضا الويشى الاهلى اشتراه بمليون رغم ان اى حمار يعرف ان ده ملوش فى الكروة اصلا. تدفع فى واحد ملوش فيها مليون جنيه يخى احا
انا على كده عايز الاهلى يشترينى بمليون جنيه انا كمان و الله انا احسن من رضا الويشى و غيره و بعد سنة يبقوا يتسغنوا عنى و اروح اى نادى تانى و لا اعتزل بعد ماكون هبشت المليون
هل هى مؤامرة مثلا علشان يلهوا الناس فى اى حاجة و السلام و مغرقيين الخلق باخبار الكورة و اللعيبة التعبانة علشان محدش يفكر اصلا يفتح بقوا عن احوال البلد اللى مفيش طوبة فيها على طوبة
انا شخصيا اعترف انى ساعات اسيب نفسى اقرا الجرايد و المواقع على النت و الفضائيات و ببقى محموق قوى و عايز ممدوح عباس يجيب اى صفقة سوبر مهما كان تمنها
هل ده مقصود لاشغالل الناس و لا ايه الموضوع و على فكرة آل جور شخصيا قال نفس الكلام عن امريكا هل اغراق الناس باخبار الشراميط التلاتة بريتنى سبيرز و ليندساى لوهان و باريس هلتون مقصود؟؟
و لا الناس بقت متخلفة و تفكيرها غبى؟