بعض من القسوة على الذات

ايه الحكاية؟

اقولك ايه الحكاية

ديك النهار فكرت و شغلت مخى

ايوة و الله حصل

المهم فكرت فى ايه؟ فى ان كل السنين اللى قضيتها فى الجامعة دى كنت بعمل ايه فيها؟؟؟

لا و حته من ايام الثانوية العامة

يعنى قول 7 8 سنين

عملت ايه بجد

هل كان ليا اى انجاز فيها

او اى عمل له اهمية او اى تخطيط لمستقبلى مش هقول اى تنفيذ لعمل يضمن مستقبلى؟؟؟؟

لا, خالص



تخيل

و لا جه الامر على بالى (بصورة جادة يعنى)

لمدة كام؟

8 سنين

و لا مرة

و لا مرة فكرت انى ارسم مستقبل لنفسى

و لا مرة فكرت انى اشارك مشاركة جادة فى اى شئ

و لا مرة فكرت انى اتعب فى شئ

رغم انى كنت فاكر انى بحب التفكيير و القراية و تشغييل المخ

فاذا بى ادرك انى التفكيير ده كله احلام و خيال

و انى مستفدتش من القراية دى كلها فى شئ

8 سنين كلام هوا

فسسسسسسسسسسسسسسسسسسسسسسسسسسسسسسسس

الموضوع كبير كبير

8 سنين فى ايه؟

لما ربنا يسألنى عن الوقت ده كله هقول ايه؟

عملت ايه؟

المصيبة انى معملتش اى حاجة لا حلال و لا حرام

لا صح و لا غلط

8 سنين عايش فى احلامى فى العالم اللى انا صانعه

فmy own neverland

و كل حاجة بتاخد وقتها معايا بصورة كبيرة جدا

و من غير اى قرار حاسم غالبا

يعنى اكلم البنت دى و لا لأ؟

اقعد شغال بقه

هى حلوة ايوة بس ده حرام

بس انا شاب و محتاج شوية دلع بس كما تدين تدان

طب همسك ايدها بس و كام كلمة و خلاص

حرااااااااااااااااااااااااااام زنا

تقعد الحكاية دى سنة اتنين تلاتة ووصلت لخمس سنين مع بنت منهم

من غير اى حسم و لا قرار واضح لغاية مالبنت تنتحر او تتجوز او تعفن من الركنة



اذاكر و لا ماذكرش؟؟

لو ذاكرت هبقى معيد

و انا هعمل ايه لو بقيت معيد هقضى حياتى ادرس مواد متخلفة لطلبة اكتر تخلفا

هيبقى معايا فلوس و ابقى محترم

بس مش شغلانة كويسة لانى مش بعمل اى شى فعلى غير تخريج ناس مش عارف منحنى الطلب من قائمة الدخل

لغاية ماتخرجت و معدش له لازمة السؤال و القرار





الوقت!!!!!!!!!!!!!!!!!!!!!!!!!!!!!!!!!!!!!!!!!!!

powered by performancing firefox