عودة الندل

قال فصدق

زى ماتوقعت بالضبط قبل الامتحانات انى ان شاء الله هشيل المراجعة و هيحصل

اما الباد نيوز بقه فهوه ان فى جزء تانى للمراجعة هندرسه اما التيرم التانى او السنة الجاية

و هوه "المراجعة المتقدمة "

و اذا كنا كل ده كنا فى اصول المراجعة اما المراجعة المتقدمة هتعمل ايه فينا و كل واحد يخلى باله من شرفه و اوعى حد يقولك افرجك على القطر؟؟؟

اتنين: انا قطعت صباعى و انا بقطع ماسورة بلاستيك هتقولى كنت بتقطع ماسورة بلاستيك ليه؟؟ هقولك فراغ المهم خدت تلات عرز و مش عارف احرك ايدى الشمال خالص و دى فرصة ان الواحد يعرف نعمة ربنا على اساس انك بتستخدم ايد واحدة فى كل حياتك لمدة اسبوع على الأقل تعتبر تجربة مفيدة و تتربى شوية

لا عارف استحمى و لا العب شوية رياضة للجميع و لا أكل و لا اغسل وشى و لا حته السيكومنص مفيش. يعنى لو كان الفراغ قبلها قيراط الوقتى الفراغ 24 قيراط



بيض بيض بيض

تالتا ابويا باضنى قوى مش عارف الجيل ده مش بيقهم حاجة اسمها الهدوء ليه كل حاجة بيعملوها بدوشة و صداع و خلاص و جع دماغ

رابعا واحد صاحبى مضبط مزة و ماعلينا من انى بحسده على المزة لو اتنقلنا للموضوع الاهم و هوه انها ساكنة قدامه و بيكلمها فى التليفون و بيقابلها و تقف فى البلكونة تشاورله

لما بيشوف ابوها بيحس انه الراجل ده قرطاس او شرابة خرج ملوش لازمة يعنى

مش عارف الموضوع ده مؤثر فيا ليه؟؟؟؟؟

يعنى لو الواحد عرف مزة مستريحة ابوها هيبقى اطرش فى الزفة و اكيد كما تدين تدان و الواحد هيبقى اطرش فى الزفة برضه

طب ايه الحل نسيب المزز؟؟؟؟؟؟ و نقضيها ناشف ناشف

رابعا انا مش لاقى اى حاجة اعملها خالص و بيض بيض بيض

powered by performancing firefox