المثل الاعلى اتنين

ماعدا اتنين مالكوم اكس و سيدنا المسيح

انا تقريبا سمعت كل خطب مالكوم اكس بالضافة لانى قريت عن قصة حياته

و رغم ده لسه مبهور بيه

بقالى فترة طويلة منبهر بهذا الرجل الاسمر

بمنطقه و قوة رايه و ثقته فى نفسه و انه مش بيخاف يعبر عن رايه و مش بيحاول يرضى حد بلسانه و يابى قلبه

راجل بمعنى الكلمة

حارب عشان الحق من غير نقطة دم واحدة الا دمه هوه

و عبر رايه بمنتهى القوة بس كان عنده القوة برضه انه يرجع عن رايه و يغير معتقده علنا من غير اى حسابات او خوف غير على الحق

راجل عبقرى موهوب و الاهم انه نقى

نقى جدا السياسة و الشهرة مكنش ليهم تاثير عليه

و مشتركش فى العاب قذرة او مساومات

(علشان لو حد سال جيفارا ماله؟ لا طبعا مش ممكن ان مثلى الاعلى واحد يقول الاشتراكية او الموت اهو مات و غار فى ستين داهية)

و برضه لو حد تانى سال مارتن لوثر كنج اقطع دراعى قبل مايكون ده مثلى الاعلى اولا لانه خد جايزة نوبل و ثاينا و الاهم علشان رايه فى دولة اليهود



و سيدنا المسيح انا مش مسيحى و لا اؤمن ان المسيح هوه الله و العياذ بالله

لكن المسيح كرجل

ايه المشترك بينه و بين مالكوم اكس؟؟؟؟؟؟؟؟؟

ايوة النقاااااااااااااااااااااااااااااااااااااااااااااااااااء

النقاء

محدش يقدر يطلع اى ملمح طمع او وحشية او قتل او سفك دم على المسيح

و لا على مالكوم اكس

ممكن يبقى فى مالكوم عيوب تانية كتير

بس مش انه بوشين او منافق او قاسى او عنيف

powered by performancing firefox